[Abbrechen]
Schnüsse-Tring-Lied
Schnüsse Tring dun mer uns nenne,
wie uhs Ossendörp die Mäd.
Die vun Tradit’on jet kenne,
wesse, wat dä Name wäät,
Wie dat Tring en kölsche Deenste
stund met singer Schlabberschnüss,
stonn och mer för Kölle schönste
Johreszig stets got gerüss.
Refrain:
De Fründschaft halde mer stets huh
un och d´r kölsche Klaaf,
jo, he zo levve mäht uns fruh,
uns „Schnüsse Tring“ – Alaaf!
Op d’r Fahn dat dröcklig Weechge,
jo, dat eß uns Schnüsse-Tring
un su lus wie sing Gescheechge,
eß sing Hätz voll Sonnesching.
Och mer Mädcher un mer Junge
han et Hätz om räächte Fleck,
han gesök un uns gefunge,
Fastelovend sin m’r jeck.
Refrain:
De Fründschaft halde mer stets huh
un och d´r kölsche Klaaf,
jo, he zo levve mäht uns fruh,
uns „Schnüsse Tring“ – Alaaf!
Och et ganze Johr so üvver
bliev uns Fründschaff en Kontak.
Wä ens Ping hät, m’r hilf drüvver,
he bei uns weed zogepack.
Wie drei Krune und elf Flamme,
die et kölsche Wappe zee’t,
stonn mer treu un fass zosamme,
wie’t för Fründe sich gehö’t.
Refrain (2×):
De Fründschaft halde mer stets huh un och d´r kölsche Klaaf,
jo, he zo levve mäht uns fruh, uns "Schnüsse Tring" – Alaaf!
Aufzugsmarsch der Tanzgruppe
Refrain (2×):
Kammerkätzcher, Kammerdener jröße Üch he all,
Kammerkätzcher, Kammerdener bringe Schwung in jede Saal,
Alles wat mer von Üch welle, ess dat Üch der Tanz gefällt,
Denn mer bringe jröß us Kölle, fröhlich in de janze Welt.